نصائح قانونية عند شراء شقة جديدة - حاجات لازم تعملها عند شراء شقة جديدة
- حاول تروح الشقة مرتين مرة الصبح ومرة بالليل.
- طول في المعاينة على قد ماتقدر وسيب الباب مفتوح.
(لو الشقة عليها مشاكل..العصفورة هتبلغ انها اتفتحت )
- مافيش بائع هيعرفك بعد ماياخد كل فلوسه.
- لازم تبقى جزء من قيمة الشقة لو فيه اى حاجه ناقصة.
- الشقة اللى مافيش فيها عداد كهرباء .. ماتاخدهاش.
- التوكيل بالبيع لوحده مش كفاية..لازم عقد بيع.
- مش لازم خالص توقيع شهود على العقد.
- لو هتخلص ثمن الشقه لازم تستلمها فى نفس يوم دفع الفلوس.
☆ ماتشتريش من وكيل عن صاحب الشقة بتوكيل عام الا اذا كنت عارفهم كويس جدا.
☆ صاحب الشقة يعملك توكيل خاص بالبيع حتى لو مسافر.
☆ لو البائع فوق ٦٥ سنه ولاده يوقعوا شهود على العقد.
☆ لو هتشترى من ورثة لازم كل الورثة يوقعوا على العقد
لو حد من الورثه قاصر لازم الوصى عليه هو اللى يوقع عنه ولازم يطلع قرار بموافقة النيابة الحسبية على البيع .
☆ لازم التوقيع على كل صفحات العقد.
☆ لازم التوقيع يكون امامك مافيش توقيع مسبق.
☆ اوعي تسيب اي فراغات فى نسختين العقد ويفضل العقد يكو من ثلاث نسخ.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.
لوهتشترىبالقسط : اوعي تمضى على إيصالات امانه، أكتب الاقساط فى العقد [ القيمة وميعاد القسط ].
لااااااااازم : تشوف زوجة المالك حقك جداً .. احسن يكون مطلقها ومعاها قرار تمكين
حقك_جداً : انك تدخل لجار واتنين فى العماره، وتسألهم عن الشقة المهم تديهم الأمان وفهمهم ان الكلام بينكم سر .. علشان يقولوا الصراحة.
يبقي مهم وانت بتشتري شقة لازم تتأكد من سند ملكية البائع وتسلسل الملكية حتى آخر مشتري وكمان عقد للأرض سواء عرفى أو مسجل وتتأكد من صحته
تكتب عقد يضمن الثمن وبنود تضمن حقك وشرط جزائي وتوكيل في الشهر العقاري بالبيع للنفس أو للغير والتنازل للنفس أو للغير ولكافة التصرفات الناقلة للملكية امام كافة الجهات والمصالح الحكومية ومصلحة الشهر العقاري والتوقيع علي عقود البيع الابتدائية والنهائية
وفي كافة اجراءات التعامل مع الكهرباء والمياه والتليفون والضرائب العقارية والغاز الطبيعي والتعاقد ورفع وتركيب والتنازل عن عدادات هذه المرافق
ولا يحق لأي من الطرفين إلغاء هذا التوكيل إلا بحضور الطرفين ويسري هذا التوكيل في حالة الوفاه .
ضرورى يكون معاك محامى ثقة بلاش تستخسر وتوفر اتعاب المحامى .. وجود المحامى هيأمنك ويمنع عنك بلاوى كتير دور المحامى مهم علشان يتأكد من صحة مستندات الملكية وتسلسل العقود ويتأكد ان الشقة مفيش عليها اي مشاكل.
