ازاى تطلع رخصة بناء بالنسبة للقرى ؟

 

ازاى تطلع رخصة بناء بالنسبة للقرى ؟

شرط اساسي يكون معاك عقدصحةتوقيع ويكون المكان المراد ترخيصه داخل الحيزالعمراني 
1- بتروح المجلس القروى اللى حضرتك تابع ليه , وبتقدم طلب رخصة بناء فى حالة كانت ارض فضاء , أو رخصة تعلية لو منزلك قائم بالفعل وعايز تعلى .
2- بيتم تحديد موقع بيتك او قطعة الارض الخاصة بيك على الخريطة بواسطة مختص المجلس القروى .
3- بتروح مجلس المدينة وبتدفع حوالى 200 جنيه رسوم استخراج بيان صلاحية الموقع , ودى على اساسها بيتم تحديد عدد الادوار المسموح بيها , على حسب عرض الشارع .
4- بعد ما بتستلم بيان الصلاحية بتروح مكتب هندسى وبتطلب منه يعملك الرسومات المعمارية والانشائية , وفى نفس الوقت بتعمل توكيل للمكتب الهندسى او المهندس المسئول عشان يقدر يكمل فى باقى الاجراءات 
5- لازم تكون عامل صحة توقيع على عقد البيت او قطعة الارض وبتسلم الاصل وصورة منه للمراجعة , بس بتاخد اصل العقد  مرة تانية بعد المراجعة 
 - طيب ايه هى تكاليف استخراج الرخصة كاملة ؟!
التكاليف بتشمل كذا حاجة كالاتى :
1- أتعاب المكتب الهندسى .
2- تأمينات اجتماعية ودى بتبقا 2.5 % من تكاليف البناء اللى بيحددها المهندس المختص
3- رسوم تحسين  ودى بتبقا 20 جنيه لكل متر للدور الارضى فقط أو مساحة الارض
4- دمغات هندسية حوالى 700 جنيه
5- حوافظ وارانيك بتتدفع فى المجلس حوالى 600 جنيه طبعا اساسي  شهادةالمتغيرات المكانيه حسب المساحه لاكن بمعدل200ج
6- شهادة اشراف وعقد مقاولة ودى بتجيبها من المهندس اللى وكلته يعملك الرسومات ويتابع الرخصة
ودي نظام الترخيص للقري منعا من الازالات والمحاكم وبتكلفه كمان مش كتير